Qaraciyər metastazları biz nəyə deyirik? Qaraciyərin biri var öz törəmələri, bir də kənardan aldığı törəmələr var. Bunlar ən çox, məsələn, yoğun bağırsaq xərçəngindən olur, mədədən olur, mədəaltı vəzindən olur, bir də məsələn süd vəzindən və digər onkoloji proseslərdən ola bilər ki, bu metastaz versin ikincili bir proses yaratsın.
Bunlara yanaşmamız da: “Birinci xərçəng hardandır, o hardan qaraciyərə metastaz verib?” – ona görədir.
Əgər bugünkü mövzumuz birincili ocağı yoğun bağırsağı olub sonra qaraciyərə metastaz veribsə, bunların həlli bugünkü gündə, bugünkü tibdə vardır.
Müalicəsi
Burada həlli deyərək nəyi nəzərdə tuturuq?
Əgər tümörün sayı sayıla bilən qədərdirsə, çoxsaylı deyildirsə və ya təkdir, böyüyüb ana damara yapışmayıbsa və ya qısaca bunu bir terminlə əvəz eləsək, çıxarıla bilən bir törəmələrdirsə, bunların cərrahi olaraq çıxarılması, sonrasında müalicə alınması ilə xəstənin xəstəliksiz sağ qalmağına və ya xəstəliyin gec qayıtmasına ən böyük faktorlardan biridir.
Yəni biz bu xəstəni dəyərləndirib əməliyyata qərar veririksə, bunun xəstəlikdən qurtulma şansı və ya xəstəliksiz sağ qalması cərrahi faktorla daha yaxşı nəticələr əldə edilmişdir.
Cərrahi əməliyyat birinci seçimimizdir
Ona görə də biz öz təcrübəmizdə bizə müraciət edən xəstələri qiymətləndirərkən qərar verməyimiz belə olur: “Əgər xəstədə qaraciyər törəmələri varsa və qaraciyərin birincili ocağı yoğun bağırsaqdırsa və bunlar əməliyyatla çıxarıla bilərsə, biz bunları mütləq cərrahi əməliyyata götürüb çıxarırıq.”
Çünki onkologiyada 2 əsas nəticə var: “xəstəliksiz sağ qalmaq” müddəti var, bir də “xəstəlikli sağ qalmaq” müddəti var. İkisində də cərrahi olmuş xəstələrdə nəticələr daha yaxşıdır digər hansı ki, ancaq kimya terapiya ilə gedən xəstələrdə..
Erkən diaqnostika həyat qurtarır
Erkən diaqnostika biz həmişə vurğulamışıq ki, həyat qurtarır. Erkən vaxtlarda müraciət edərsə, ölçülər də kiçik olur, müdaxilə imkanlarımız da geniş olur”.
Əsas məsələ erkən diaqnostika, xəstəliyin vaxtında aşkarlanması və mütləq qaraciyəri əməliyyat edən cərrahın fikrini almaq. Mütləq, qaraciyər əməliyyat edən cərrahın fikrini almaqda fayda vardır.
Yəni bu mövzumuzu da toparlayaraq onu deyirəm ki, bu xəstəlikləri vaxtında tutub aşkar etsək, əməliyyat etsək, xəstəliyin uzaq nəticələri digər qrupla müqayisədə daha yaxşı olmaqdadır.
